Qaraqalpaqstan Respublikasınıń “Mámleketlik til haqqında”ǵı Nızamı qabıl etilgenine 35 jıl tolıwı múnásibeti menen búgin Ózbekstan mámleketlik dene tárbiyası hám sport universiteti Nókis filialında «Mártebeń bálent bolsın ana tilim» atamasında bayram keshesi bolıp ótti.

Saltanatlı bayram keshesin filial direktorınıń Jaslar máseleleri hám ruwxıy-aǵartıwshılıq isleri boyınsha birinshi orınbasarı R.Xaydarov kiris sóz benen ashtı hám jıynalǵanlardı bayram menen qutlıqladı.

Ilajda atap ótilgenindey ana tili – bul qarım-qatnas quralı bolıwı menen birge, neshshe ásirler dawamında óziniń qádir-qımbatın joytpay, biz áwladlarǵa shekem jetip kelgen biybaha ǵáziyne bolıp tabıladı. Hár bir xalıqtıń ózine tán ózgesheligin, hár bir eldiń rawajlanıw basqıshların hám keleshegin belgilewde ana tiliniń tutqan ornı ayrıqsha sanaladı. Sonlıqtan, hár bir ósip kiyatırǵan áwlad ana tilin qásterlewi, onıń keleshek áwladqa sap halında jetip barıwın támiyinlewi kerek.

Kóterińki dárejede bolıp ótken bayram keshesi filial studentleri tárepinen tayarlanǵan koncert baǵdarlaması menen dawam etti.

Filial Baspasóz xızmeti.