Usı jıldıń 10-dekabr kúni Ózbekstan Respublikası Joqarı bilimlendiriw, ilim hám innovaciyalar ministrligi 2024-jıl 2-dekabr kúngi 452-sanlı buyrıǵınıń 2.7-sanlı bántinde belgilengen wazıypalardıń orınlanıwı boyınsha Ózbekstan mámleketlik dene tárbiyası hám sport universiteti Nókis filialında professor-oqıtıwshılar hám student-jaslar qatnasında májilis bolıp ótti.

Májiliste filial direktorınıń Oqıw isleri boyınsha direktor orınbasarı B.Utemuratov, Oqıw-metodikalıq bólimi baslıǵı D.Koshanov, Korrupcıyaǵa qarsı gúresiw hám “Komplaens qadaǵalaw” sistemasın basqarıw bólimi qánigesi N.Ramankulovlar tárepinen filial professor-oqıtıwshıları hám student-jaslarına usı buyrıqtıń mazmun-mánisin tanıstırıldı.

Yaǵnıy,  juwmaqlawshı qadaǵalaw túri boyınsha ótkeriletuǵın úlken auditoriyaların kerekli texnik úskeneleri, dawıs jazatuǵın video gúzetiw kameraları menen támiyinlew. Juwmaqlawshı qadaǵalawdı ótkeriwde isshi topar hám qadaǵalaw jumısların bahalawshı professor-oqıtıwshılar quramın tájriybeli juwapkerlerden qáliplestiriw hám juwmaqlawshı qadaǵalaw túrlerin keń jámiyetshilik ushın filialdıń rásmiy veb-saytındaǵı silteme arqalı onlayn gúzetiw imkaniyatların jaratıw máseleleri kórip shıǵıldı.

Filial Baspasóz xızmeti.