Ózbekstan Respublikası Joqarı bilimlendiriw, ilim hám innovaciyalar ministrliginiń 2024-2025-oqıw jılı ushın respublikalıq joqarı oqıw orınlarınıń bakalavriat basqıshı studentlerine Ózbekstan Respublikası Prezidenti hám ataqlı mámleketlik stipendiyaların tayınlaw haqqındaǵı buyrıǵı tiykarında Ózbekstan mámleketlik dene tárbiyası hám sport universiteti Nókis filialı studentleri arasınanda mámleketlik stipendiyalar tańlawı jeńimpazları shıqtı.

Ózbekstan Respublikası Prezidenti mámleketlik stipendiyasınıń jeńimpazı:    Oralbaeva Iroda Teńelbay qızı – “Mektepke shekemgi bilimlendiriwde dene tárbiyası hám sport” tálim baǵdarı 3-kurs studenti

Nawayı atındaǵı mámleketlik stipendiyasınıń jeńimpazı:    Abatbaeva Barno Jolmırza qızı – “Kórkem gimnastika” tálim baǵdarı 3-kurs studenti

Islam Karimov atındaǵı mámleketlik stipendiyasınıń jeńimpazı Urazbaeva Nafisa Muzaffarovna – “Qılıshpazlıq” tálim baǵdarı 3-kurs studenti

Ibrayım Yusupov atındaǵı mámleketlik stipendiyasınıń jeńimpazı Satbaeva Azada Daryabayevna – “Júziw” tálim baǵdarı 3-kurs studenti

Tólepbergen Qayıpbergenov atındaǵı mámleketlik stipendiyasınıń jeńimpazı Qońırbayev Dastan Mırzabay ulı – “Boks” tálim baǵdarı 3-kurs studenti

Pahlavon Mahmud atındaǵı mámleketlik stipendiyasınıń jeńimpazı Akmanova Durdona Allayar qızı – “Velosport” tálim baǵdarı 3-kurs studenti

Mámleketlik stipendiyalar tańlawınıń jeńimpazları bolǵan filialımız studentlerin qutlıqlaymız hám aldaǵı oqıw, ilimiy-izertlew jumıslarında úlken nátiyjelerge erisip júriwin tileymiz.

Maǵlıwmat ornında atap ótiw orınlı, Prezident mámleketlik stipendiyası tańlawında qatnasıp, sáwbet basqıshına usınıs etilmegen studentler rektor tárepinen tastıyıqlanǵan sertifikat hám bazalıq stipendiya muǵdarınıń 3 esesi muǵdarındaǵı bir mártelik aqshalay sıylıq penen sıylıqlanadı.

Sonday-aq, ataqlı mámleketlik stipendiyalar tańlawlarında qatnasıp, jeńimpaz bola almaǵan studentler de sertifikat hám bazalıq stipendiya muǵdarınıń 2 esesi muǵdarındaǵı bir mártelik aqshalay sıylıq penen xoshametlenedi.

Ziyrek studentlerdiń ilimiy-izertlew iskerligin shólkemlestiriw bólimi.