Ózbekstan mámleketlik dene tárbiyası hám sport universiteti Nókis filialı studentleriniń sabaqtan bos waqıtların mazmunlı ótkeriw, olar arasında júz beriwi múmkin bolǵan jınayatshılıq hám huwıqbuzarlıqlardıń aldın alıw, sonday-aq, olardı ana Watanǵa sadıqlıq ruwqında tárbiyalaw maqsetinde filial profilaktika inspektorı, kapitan R.Ismaylov hám  Jaslar awqamı baslanǵısh shólkemi jetekshisi B.Arzımbetovlar basshılıǵında studentler Qaraqalpaqstan Respublikası Ishki isler ministrliginiń tariyxı muzeyine sayaxatqa alıp barıldı.

Sayaxat barısında studentler muzey xızmetkerleri tárepinen dáslepki Qaraqalpaqstan Respublikası Ishki isler ministrinen baslap, ministrlikte islegen xızmetkerler, xızmet babında qaza tapqan xızmetkerlerdiń fotoların tamashaladı. Olardıń xızmet babında islegen erlikleri menen tanıstı. Sonday-aq, olardıń xızmet babında paydalanǵan qural-jaraq, áspab-úskeneleri tamashaladı hám islegen miynetleri ushın berilgen alǵan mámleketlik ataqları, medal hám ordenler menen tanıstırıldı.

Studentler eksponantlardı tamashalaw barısında ózlerin qızıqtırǵan sorawlarına muzey xızmetkerlerinen juwaplar aldı.

Filial Baspasóz xızmeti.