Búgin, Ózbekstan mámleketlik dene tárbiyası hám sport universiteti Nókis filialında Jańa jıl bayram keshesi bolıp ótti.

Saltanatlı bayram keshesinde Qaraqalpaqstan Respublikası Sport ministri A.Allanazarov hám filial direktorı, professor B.Erimbetovlar kiris sóz benen ashıp berdi hám bárshe miynet jámááti aǵzaların, student – jaslardı bayram menen qutlıqladı.

Soń jıl dawamında jaqsı nátiyjege erisken miynet jámááti aǵzalarına filial basshılıǵı tárepinen tayarlanǵan Húrmet jarlıqları, Jańa jıl sawǵaları hám  Ózbekstan Respublikası Joqarı bilimlendiriw, ilim hám innovaciyalar ministrliginiń “2024-2025-oqıw jılı ushın respublikalıq joqarı oqıw orınlarınıń bakalavriat basqıshı studentlerine Ózbekstan Respublikası Prezidenti hám ataqlı mámleketlik stipendiyaların tayınlaw haqqında”ǵı buyrıǵı tiykarında mámleketlik stipendiyalar tańlawı jeńimpazı dep tabılǵan filial studentlerine bir aylıq stipendiya muǵdarında «Vaucher» ler tapsırıldı.

Bayram keshesi Qaraqalpaqstan kórkem óner ǵayratkerleri hám filial studentleriniń atqarıwındaǵı koncert baǵdarlaması menen dawam etti.

Filial Baspasóz xızmeti.