Ózbekstan mámleketlik dene tárbiyası hám sport universiteti Nókis filialınıń “Dene tárbiyası hám sport Xabarshısı” jurnalına 2025-jıldıń fevral ayında baspadan shıǵatuǵın 1-sanına maqalalardı qabıllaw baslanǵanlıǵın xabarlaydı.

Maqala beriw ushın avtorlar 2025-jıldıń 3-yanvar sánesinen 31-yanvar kúnleri aralıǵında jurnaldıń juwaplı redaktorlar menen baylanısqan halda maqalaların beriwleri múmkin.

Baylanıs ushın telefon nomerler: (+99891) 304-47-77, (+99890) 591-90-06.

“Dene tárbiyası hám sport Xabarshısı” jurnalına maqalalardı qabıl etiw tártibi:

• jurnalǵa maqalalar qaraqalpaq, ózbek, rus hám anglichan tillerinde qabıl etiledi. Maqalada annotaciya, tayanısh sózler, juwmaq hám usınıslar 3 tilde jazılıwı kerek: maqala tili, rus hám anglichan tillerinde.
• maqala qoljazba hám elektron kórinisinde “Times New Roman” shriftinde, betler A4 formatında, 14 kegel, qatar aralıǵı 1,5 (intervalda), bettiń shep tárepinen 3 santimetr, oń tárepinen 1,5 santimetr, joqarǵı hám tómengi tárepinen 2 santimetr aralıq qaldırılıp, kesteler súwret kórinisinde qabıl etiledi.
• avtordıń atı, familyası, ákesiniń atı, jumıs ornı hám lawazımı, ilimiy dárejesi, ilimiy ataǵı, elektron pochta mánzili hám telefon nomeri tolıq kórsetiliwi shárt.
• maqalaǵa tiyisli tarawdıń qánigeleri yaki ilimpazlarınan pikiri (ishki hám sırtqı), baspaǵa usınıw boyınsha kafedra májilisi bayanlamasınan kóshirme, ekspert juwmaǵı qosıp tapsırıladı.
• maqalanıń dúzilisi shártli túrde kirisiw, izertlewdiń tiykarǵı bólimi hám juwmaqtan ibarat bolıwı kerek. Belgilengen talaplar tiykarında jazılǵan maqalalar arnawlı antiplagiat tekseriwinen ótkeriledi. Sonday-aq, 70 payız ózine tánlik kórsetkishi bolǵan maqalalar qabıl etiledi hám redkollegiya aǵzalarına kórip shıǵıw ushın jiberiledi. Belgilengen talaplarǵa juwap bermeytuǵın maqalalar jurnalda baspadan shıǵarılmaydı.
• maqaladaǵı siltemeler tik qawıs ishinde nomerler menen beriledi ([1-35]). Paydalanılǵan ádebiyatlar diziminde avtordıń atı, familiyası, ákesiniń atı, ádebiyat ataması, baspadan shıqqan jeri, baspa atı, jılı, beti tolıq kórsetiliwi kerek.
• jurnalda basılıp shıqqan maqalalardıń mazmunı, olarda keltirilgen maǵlıwmatlardıń durıslıǵına avtorlar juwapker. Jurnalǵa tapsırılǵan maqalalardıń qol jazbaları avtorǵa qaytarılmaydı.

Filial Baspasóz xızmeti.