Hindstannıń Lakxnau qalasında gandbol boyınsha jas óspirimler hám jaslar arasında  Xalıqaralıq gandbol federaciyası kuboginiń Aziya kontineti basqıshı óz juwmaǵına jetti.

Quwanıshlı tárepi sonda, bul jarısqa qatnasqan Ózbekstan U-18 hám U-20 saylandı komandaları da tabıslı qatnasıp, final bellesiwlerinde jas óspirimlerimiz Hindstan saylandı komandasın 47:23,  U-20 komandamız Qazaqstan saylandı komandasın 38:18 esabında jeńip shıǵıwǵa miyasar boldı.

Sonı aytıp ótiwimiz kerek, chempion komandalar quramında Ózbekstan mámleketlik dene tárbiyası hám sport universiteti Nókis filialı studentleri Baymurat Reypnazarov hám Raxat Joldasbaevlar qatnasıp, saylandı komandanıń jeńisine ózleriniń salmaqlı úleslerin qostı.

Filial Baspasóz xızmeti.