Aldın xabar bergenimizdey, usı jıldıń 3-7-yanvar kúnleri aralıǵında Hindstannıń Lakxnau qalasında gandbol boyınsha jas óspirimler hám jaslar arasında  Xalıqaralıq gandbol federaciyası kuboginiń Aziya kontineti basqıshında Ózbekstan U-18 hám U-20 saylandı komandaları sıylı 1-orındı iyelegen edi.

Chempion komandalar quramında Ózbekstan mámleketlik dene tárbiyası hám sport universiteti Nókis filialı studentleri Baymurat Reypnazarov hám Raxat Joldasbaevlar qatnasıp, saylandı komandanıń jeńisine ózleriniń salmaqlı úleslerin qostı.

Búgin Nókis temirjol vokzalında Qaraqalpaqstan Respublikası Sport ministrligi, filialdıń professor-oqıtıwshılar,  sportshınıń ata-anaları, dosları hám ǵalaba xabar quralları wákilleri qatnasıwında saltanatlı túrde kútip alındı.

Ilajda sózge shıqqanlar sportshılardı qolǵa kirgizgen tabısı menen qızǵın qutlıqladı hám aldaǵı jarıslarda tabıslar tiledi.

Filial Baspasóz xızmeti.