Student-jaslar menen tıǵız islesiwdi jolǵa qoyıw, olardıń juwmaqlawshı qadaǵalawshı imtixanları hám oqıw barısında dus kelip atırǵan tosıqların anıqlaw, pikir-usınısların tıńlaw, ushırasıp atırǵan mashqalaların sol jerdiń ózinde saplastırıw maqsetinde Ózbekstan mámleketlik dene tárbiyası hám sport universiteti Nókis filialında «Direktor hám jaslar» ushırasıwı bolıp ótti.

Onda filial direktorınıń Oqıw isleri boyınsha orınbasarı B.Utemuratov student-jaslarǵa juwmaqlawshı qadaǵalaw imtixanlardıń barısı, oqıw procesi menen baylanıslı ushırasıp atırǵan tosıqlar, ijara shártnaması tiykarında ijara úylerinde jasap atırǵan studentlerdiń ijara pullarınıń waqtında tóleniwi, sonday-aq, órt qáwipsizlik qaǵıydalarına qatań ámel etiwleri kerekligi haqqında pikir-usınısların tıńladı.

Ushırasıw barısında studentlerdiń bildirilgen usınıslar inabatqa alındı hám olar tárepinen bergen hár bir sorawına direktor orınbasarı juwapker qánigeleri menen birgelikte juwap berdi.

Filial Baspasóz xızmeti.