Studentler arasında kitapqumarlıq mádeniyatın qáliplestiriw hám olardı kitapqumarlıqqa keńnen qamtıp alıw maqsetinde Ózbekstan mámleketlik dene tárbiyası hám sport universiteti Nókis filialı Málimleme resurs orayınıń «Kitapqumarlar dógeregi» aǵzaları qatnasında «Kitapqumarlar millet» joybarı tiykarında ádebiy keshe ótkerildi.

Ilajda Málimleme resurs orayı baslıǵı K.Tóreshova hám Jaslar menen islesiw hám ruwxıy-aǵartıwshılıq bólimi baslıǵı A.Meńlimuratovlar qatnasıwshılarǵa kitaptıń insan ómirinde tutatuǵın áhmiyeti haqqında keń túrde maǵlıwmatlar berip ótti.

 Soń Málimleme resurs orayı qánigesi G.Sadatdinova tárepinen bul baǵdarda tayarlanǵan slayd studentler názerine usınıldı hám joqarı oqıw orınları studentleri ushın usınıs etilgen ádebiyatlar dizimi menen tanıstırıp ótti.

Ilaj sheńberinde kitaplar kórgizbesi shólkemlestirildi.

Filial Baspasóz xızmeti.