Búgin Ózbekstan mámleketlik dene tárbiyası hám sport universiteti Nókis filialında filialdıń ilimiy potencialın asırıw boyınsha alıp barılıp atırǵan jumıslar, kórsetkishler boyınsha ǵalaba xabar qurallarınıń qatnasında brifing bolıp ótti.

Brifingte Ilimiy isler hám innovaciyalar boyınsha direktor orınbasarı Islambek Mambetnazarov 2023-2024-oqıw jılında shet ellerdegi abroylı joqarı oqıw orınları menen xalıqaralıq birge islesiwler boyınsha dúzilgen shártnamalar, ilimiy joybarlar, jergilikli, xalıqaralıq grantlar hám investiciyalar, professor-oqıtıwshılardıń ilimiy baǵdarda alıp barıp atırǵan jumısları haqqında jurnalistlerge maǵlıwmatlar berip ótti.

Atap ótiw orınlı filialdıń ilimiy potencialı aldınǵı jılları 22 procentti quraǵan bolsa, bul kórsetkish búgingi kúnge kelip 30 procentke kóterildi. Bul, álbette, filialdıń professor-oqıtıwshılarınıń ilimi jolında tınımsız ilimiy izzertlew jumısların alıp barıp atırǵanlıǵınıń nátiyjesi.

Brifingte ǵalaba xabar quralları wákilleri filialdıń ilimiy potencialı haqqında tolıq maǵlıwmatqa iye boldı.

Filial Baspasóz xızmeti.