Mákeme, kárxana, shólkem, sport klubları, bilimlendiriw xızmetkerleri hám joqarı oqıw orınları studentleri arasında arasınan dúzilgen komandalar Futzal boyınsha XXІ Qaraqalpaqstan chempionatına 14-dekabr start alǵan edi.

Chempionatqa Respublikamızdıń barlıq qala, rayon, mákeme, kárxana, shólkem, sport klubları, bilimlendiriw xızmetkerleri hám joqarı oqıw orınları studentleri arasınan dúzilgen jámi 22 komanda birinshi basqıshta óz-ara chempionlıq ushın kúsh sınastı hám 8 komanda sherek finalǵa jollama aldı.

Filialdıń «SKUF-2» komandası PLEY-OFF basqıshında qarsılas komanda aǵzalarınan ústem kelip finalǵa jollama aldı.

Futzal boyınsha XXІ Qaraqalpaqstan chempionatı final oyını usı jıldıń 26-fevral kúni Nókis olimpiya hám paraolimpiya orayı sport zalında bolıp ótiwi kútilmekte. Onda Ózbekstan mámleketlik dene tárbiyası hám sport universiteti Nókis filialnıń «SKUF-2» komandası «Pantera» komandasına qarsı chempionlıq oyını ushın oyınǵa túsedi.

Komanda aǵzaların chempionatqa I.Abdullaev, T.Kaypnazarov hám M.Qutlımuratovlar tayarladı.

Filial komandasına finalda áwmet tileymiz.

Filial Baspasóz xızmeti.