Tashkent wálayatınıń Zangiota rayonında jaylasqan Milliy gvardiya sport kompleksinde er balalar hám hayal-qızlar arasında sporttıń kurash túrinen Ózbekstan kubogi bolıp ótti.

Onda Qaraqalpaqstan saylandı komandası quramında Ózbekstan mámleketlik dene tárbiyası hám sport universiteti Nókis filialı studentleri arasınan Á.Sırǵabaev, J.Azatova hám A.Abilkasimovalar qatnastı.

Ózbekstan Respublikasınıń barlıq wálayatlarınan kúshli sportshılar qatnasqan jarıs juwmaǵında Qaraqalpaqstan saylandı komandası 2-orındı iyeledi. Komanda aǵzalarınıń kubog ushın bolıp ótken jarısta sıylı orındı iyelewinde filial studentlerinińde salmaqlı úlesi bar.

Jarıs juwmaǵında jeńimpazlar qatarında Qaraqalpaqstan Respublikası saylandı komandası aǵzalarıda shólkemlestiriwshiler tárepinen medal hám Diplom menen sıylıqlandı.

Filial Baspasóz xızmeti.