Háyyiw – bul analar mehiri, háyyiw – bul kempir apalarımızdıń aq pátiyası, bul – ananıń perzentine gódekliginen baslap tilegen tilegi,  kewlindegi ullı úmiti. Hár bir hayal – besik terbetip aytqan háyyiwi menen gózzal, jáne qádirli.

Usınday bay miyraslarımızdı filial student – qızları arasında úgit-násiyatlaw, sonday-aq, olardıń mámleketimizde ámelge asırılıp atırǵan keń kólemli reformalarda belsene qatnasıwın támiyinlew,  bos waqıtların mazmunlı ótkeriw. Qızlarımızdı turmısqa, shańaraqqa, keleshekte ana bolıwǵa tayarlaw maqsetinde Ózbekstan mámleketlik dene tárbiyası hám sport universiteti Nókis filialı «Sport túrleri» fakulteti dekanı hám Hayal-qızlar máseleleri boyınsha direktor másláhátshisi menen birgelikte 28-fevral kúni “Analar háyyiw aytqanda” atamasında tańlawı bolıp ótti.

Tańlawdı «Sport túrleri» fakulteti dekanı D.Nurıshov kiris sóz benen ashtı hám bárshe qatnasıwshılarǵa tabıslar tiledi.

Joqarı dárejede shólkemlestirilgen tańlawda barlıq qánigeliklerden student-qızlar qatnastı.

Tańlaw shártleri boyınsha tóreshiler tárepinen qatnasıwshılardıń háyyiw aytıw sheberligi, milliyligi, janlı hawazda atqarıwı hám háyyiwdiń mazmunına ayrıqsha itibar qaratıldı.

Jarıs juwmaǵında 1-orındı «Voleybol» qánigeliginiń studenti P.Baltabaeva, 2-orındı «Kórkem gimnastika» qánigeliginiń studenti M.Xojambergenova, 3-orındı «Velosport» qánigeliginiń studenti D.Akmanova hám «Karate» qánigeliginiń studenti Sh.Urazbaevalar iyeledi.

Olarǵa shólkemlestiriwshiler tárepinen Diplom hám estelik sawǵaları tapsırıldı. Sonday-aq, nominaciyalar boyınsha jeńimpazlar da Húrmet jarlıqları menen sıylıqlandı.

Filial Baspasóz xızmeti.