Búgin, Ózbekstan mámleketlik dene tárbiyası hám sport universiteti Nókis filialı Keńesiniń gezektegi májilisi bolıp ótti. Bul májiliste filial direktorı basshılıǵında direktor orınbasarları, bólim baslıqları, fakultet dekanları, kafedra baslıqları hám ilimiy keńes aǵzaları qatnastı. Májilisti filial direktorı, professor Bayrambay Erimbetov basqarıp bardı. Májilis kún tártibinde bir qatar áhmiyetli máseleler kórip shıǵıldı.

Dáslep Ózbekstan mámleketlik dene tárbiyası hám sport universiteti Nókis filialı direktorı B.Erimbetovtıń Ózbekstan Respublikası Prezidenti, Ózbekstan Respublikası húkimeti, jergilikli basqarıw uyımları tárepinen 2025-jılı fevral ayında qabıl etilgen normativ-huqıqıy hújjetler hám usı jıldıń 13-fevral kúni sporttı jańa basqıshqa alıp shıǵıw jáne xalıqtıń fizikalıq belsendiligin arttırıw ilajları boyınsha bolıp ótken videoselektor májilisi haqqında bayanatı tıńlandı.

Bunnan soń 2024-2025-oqıw jılı gúzgi juwmaqlawshı bahalaw imtixanları juwmaqları hám  keyingi juwmaqlawshı bahalaw imtixanları orınlanıwı lazım bolǵan wazıypalar haqqında «Sport túrleri» fakulteti dekanı D.Nurıshovtıń, filialda 2024-2025-oqıw jılınıń birinshi yarım jıllıǵı dawamında oqıw processiniń sapalılıǵı hám onı talqılaw haqqında Bilimlendiriw sapasın qadaǵalaw bólimi baslıǵı M.Ramazanovtıń, Hayal-qızlar keńesi tárepinen ámelge asırılǵan jumıslar boyınsha Hayal-qızlar máseleleri boyınsha direktor másláhátshisi B.Allambergenovanıń, 2024-2025-oqıw jılında filialǵa studentlerdi qabıllaw nátiyjeleri haqqında Qabıllaw komissiyası juwaplı xatkeri A.Primbetovlardıń esabatları tıńlandı.

Sonday-aq, Keńesi májilisi sońında filial iskerligine baylanıslı aǵımdaǵı máseleler dodalandı.

Filial Baspasóz xızmeti.