Joqarı oqıw orınları studentleri arasında ótkerilip atırǵan «Talabalar ligasi» sport jarıslarınıń Qaraqalpaqstan Respublikası aymaqlıq basqıshında Ózbekstan mámleketlik dene tárbiyası hám sport universiteti Nókis filialı komandası aǵzaları jetekshilik etpekte.

Berdaq atındaǵı Qaraqalpaq mámleketlik universitetiniń «Sport sarayı»nda sporttıń «Gandbol» túrinen qızlar arasında bolıp ótken jarısta filialdıń qızlar  komandası aǵzaları qarsılas komanda aǵzalarınan ústem ekenligin kórsete aldı.

Jarıstıń Ózbekstan Respublikalıq basqıshına jollamanı kirgiziw ushın alıp barılǵan jarıs juwmaǵında filial komandası 1-orındı iyeledi hám Diplom menen sıylıqlanıp jarıstıń keyingi basqıshına jollamanı qolǵa kirgizdi.

Komanda aǵzaların jarısqa professor-oqıtıwshılardan N.Urazbaev tayarladı.

Filial Baspasóz xızmeti.