Ózbekstan Respublikası  Prezidenti basshılıǵında usı jıldıń 16-yanvar kúni investiciyalardı keńnen tartıw hám eksporttı arttırıw baǵdarındaǵı jumıslardıń nátiyjeliligi jáne aldaǵı tiykarǵı wazıypalar boyınsha ótkerilgen videoselektor májilisinde taraw basshılarına bir qatar wazıypa hám tapsırmalardı belgilep bergen edi.

Videoselektor májilisinde berilgen tapsırmalardıń orınlanıwın támiyinlew maqsetinde Ózbekstan mámleketlik dene tárbiyası hám sport universiteti Nókis filialı direktorı, professor Bayrambay Erimbetov Turkiyanıń Bursa qalasındaǵı Ózbekstannıń húrmetli konsulı, isbilermen hám investor Ali Baklan hám Ózbekstan mámleketlik dene tárbiyası hám sport universiteti Xalıqaralıq baylanıslar boyınsha prorektorı Jasur Zarifbayev penen ushırastı.

Onda dáslep, filial direktorı Prezidentimizdiń ayrıqsha itibarı menen barlıq tarawlar qatarı elimizde sport tarawın hám joqarı bilimlendiriw sistemasın rawajlandırıw baǵdarında ámelge asırılıp atırǵan jumıslar menen jaratılıp atırǵan sharayatlar haqqında keń túrde atap ótti.

Soń eki tárep filialdı elede rawajlandırıw baǵdarında belgilep alınǵan aldaǵı rejedegi bir qatar joybarlarına Turkiyanıń investorların tartıw boyınsha sóylesiwler alıp bardı hám sportshılarımızdıń keleshekte joqarı nátiyjelerge erisiwi ushın bunnan-bılay da keń imkaniyatlar jaratıw máseleler talqılandı.

Filial Baspasóz xızmeti.