Jaslardıń bos waqıtların kewilli hám mazmunlı ótkeriw. Olardı respublikamızdıń tariyxı hám mádeniyatı menen jaqınnan tanıstırıw. Olar arasında júz beriwi múmkin bolǵan jınayatshılıq hám huqıqbuzarlıqlardıń aldın alıw hám ana Watanǵa, tuwılǵan jerge bolǵan súyispenshiligin arttırıw maqsetinde Ózbekstan mámleketlik dene tárbiyası hám sport universiteti Nókis filial profilaktika inspektorı, kapitan R.Ismaylov tyutorlar menen birgelikte qalamızdaǵı Qaraqalpaqstan Respublikası tariyxı hám mádeniyatı mámleketlik muzeyine sayaxat shólkemlestirdi.

Studentler sayaxat barısında muzeyde zallarınan orın alǵan eksponantlar arqalı xalqımızǵa tán mádeniyatı hám haywanat dúnyası menen jaqınnan tanıstı.

Sayaxat barısında studentler bul baǵdarda ózlerin qızıqtırǵan sorawlarına muzey xızmetkerlerinen juwaplar aldı.

Bul baǵdardaǵı jumıslar filialı profilaktika inspektorı, kapitan R.Ismaylov hám tyutorlar tárepinen turaqlı túrde ámelge asırılıp kelinbekte.

Filial Baspasóz xızmeti.