Respublikamızda gandbol sport túrin rawajlandırıw, usı sport túrinen sport sheberlerin jetilistiriw, 22-29-mart kúnleri aralıǵında Nawayı wálayatında bolıp ótetuǵın jarısqa kúshli sportshılardı tańlap alıw,  Qaraqalpaqstan Respublikası saylandı komandasın muwapıqlastırıw maqsetinde qalamızdaǵı Respublikalıq sporttıń oyın túrleri hám jeńil atletika boyınsha qánigelestirilgen sport mektebi bazasında gandbol boyınsha U-20 qız balalar arasında Qaraqalpaqstan chempionatı bolıp ótti.

Chempionatqa respublikamızdaǵı bárshe qala, rayon, mákeme-shólkemlerdiń komandaları qatarında Ózbekstan mámleketlik dene tárbiyası hám sport universiteti Nókis filialı studentleri arasınan dúzilgen saylandı komandası aǵzalarıda qatnastı.

Keskin tartısıwlarǵa bay tárizde bolıp ótken jarıs juwmaǵında filial komandası aǵzaları barlıq qarsılas komanda aǵzalarınan ústin kelip Qaraqalpaqstan chempionı boldı hám shólkemlestiriwshiler tárepinen Diplom hám estelik sawǵaları menen sıylıqlandı.

Komanda aǵzaların jarısqa filial professor-oqıtıwshılarınan N.Urazbaev hám A.Kuralbaevlar tayarladı.

Filial Baspasóz xızmeti.