Ózbekstan Respublikası Joqarı bilimlendiriw, ilim hám innovaciyalar ministrligi tárepinen Ózbekstan mámleketlik dene tárbiyası hám sport universiteti Nókis filialın 2025-jılı kompleks rawajlandırıw is-ilajları baǵdarlaması tastıyıqlanǵan edi.

Usı baǵdarlama tiykarında dúnyanıń TOP-300 kirgen shet el joqarı bilimlendiriw mákemeleriniń baǵdarlamaları hám aldınǵı bilimlendiriw texnologiyaların filial oqıw proceslerine engiziw maqsetinde ilimiy isler hám innovaciyalar boyınsha direktor orınbasarı xızmet saparı menen Ál-Farabi universitetinde boldı.

Ol jerde eki joqarı oqıw orınlarınıń wákilleri akademiyalıq mobillik, eki diplomlı qospa bilimlendiriw baǵdarlamaların jolǵa qoyıw, professor-oqıtıwshılardıń qánigeligin jetilistiriw, xalıqaralıq hám jergilikli grant joybarlarına qatnasıwda professor-oqıtıwshılardıń birgelikte jumıs alıp barıwı sıyaqlı máseleler boyınsha aldaǵı ámelge asırılatuǵın jumıslar baǵdarında sáwbetlesti.

Ushırasıwda eki joqarı oqıw ornı arasında birge islesiw boyınsha memorandumǵa qol qoyıldı.

Filial Baspasóz xızmeti.