Ózbekstan Respublikası Prezidentiniń 2022-jıl 25-maydaǵı «Etnosport túrlerin ǵalabalastırıw hám rawajlandırıw is-ilajları haqqında»ǵı qararı tiykarında Kegeyli rayonı futbol stadionında joqarı oqıw orınları hám máhálle jasları arasında «Úrp ádetler besigiseń qádirdan máhállem» uranı astında «Qaraqalpaq xalıq oyınları» atamasında etnosport festivalı ótkerildi.

Ózbekstan mámleketlik dene tárbiyası hám sport universiteti Nókis filialı komandası aǵzaları «Arqan tartıs», «Langa», «Qazan oyını» hám «Qasharman top» sport túrleri boyınsha qarsılas komandalar menen óz-ara kúsh sınastı.

Óz-ara qızǵın bellesiwlerge bay tárizde bolıp ótken jarıs juwmaǵında filial komandalarınıń aǵzaları «Arqan tartıs» tan 1-orın, «Langa» dan 2-orın, «Qazan oyını» nan 1-orın hám «Qasharman top» 1-orınlardı iyelewge miyasar boldı.

Jarıs sońında jeńimpaz komanda aǵzaları shólkemlestiriwshiler tárepinen Diplom hám estelik sawǵaları menen sıylıqlandı.

Filial Baspasóz xızmeti.