Búgin 27-mart kúni Ózbekstan mámleketlik dene tárbiyası hám sport universiteti Nókis filialında Qaraqalpaqstan Respublikası Ádillik ministrligi, Qaraqalpaqstan Respublikası Joqarı bilimlendiriw ilim hám innovaciyalar ministrligi hám Qaraqalpaqstan Respublikasi Ishki isler ministrliginen kelgen qánigeler qatnasında «Korrupciyasız keleshek qurıwǵa hár birimiz juwapkermiz» atamasında ushırasıw bolıp ótti.

Ushırasıwdı filial direktorı B.Erimbetov kiris sóz benen ashıp berdi hám ilaj qatnasıwshıların kelgen miymanlar menen tanıstırdı.

Ilajda sózge shıqqan taraw qánigeleri korrupciya jámiyettiń rawajlanıwı ushın tosıq ekenligi, korrupciya háwij alǵan hár qanday mámleket yaki jámiyet rawajlanıwdan artta qalatuǵınlıǵı, bul illettiń tamır jayıwınıń aldın alıwǵa hár birimiz juwapker ekenligimizdi atap ótti.

Sonday-aq, korrupciyalıq jaǵdaylarǵa dus kelgende kimlerge hám qay jerlerge xabar beriw kerekligi haqqında maǵlıwmatlar berdi. Professor-oqıtıwshılarǵa hám student-jaslarǵa bilip bilmey islegen hár qanday jınayat juwapkershilikten azat etpeytuǵınlıǵın túsindirdi.

Ilaj qatnasıwshıları bul baǵdarda ózlerin qızıqtırǵan sorawlarına tiyisli taraw qánigelerinen juwaplar aldı.

Filial Baspasóz xızmeti.