Filialda 9-aprel – Qaraqalpaqstan Respublikası Konstituciyası qabıl etilgenliginiń 32 jıllıǵı múnásibeti menen saltanatlı ilaj bolıp ótti
Saltanatlı ilaj Ózbekstan hám Qaraqalpaqstan Respublikalarınıń mámleketlik gimnleri menen baslandı.
Ilajǵa Qaraqalpaqstan Respublikası Joqarǵı Keńesiniń komitet baslıǵı, prokuratura hám sud uyımlarınan juwapker basshılar, filialdıń professor-oqıtıwshıları hám studentler qatnastı.
Ilajdı filial direktorınıń oqıw isleri boyınsha orınbasarı B.Utemuratov kiris sóz benen ashıp berdi hám basqarıp bardı.
Soń Qaraqalpaqstan Respublikası Joqarǵı Keńesiniń komitet baslıǵı Sharapat Ótemisov sózge shıǵıp, bársheni Qaraqalaqstan Respublikası Konstituciyasınıń qabıl etilgenliginiń 32 jıllıǵı menen qızǵın qutlıqlap, xalıqtıń abadanlıǵın támiyinlewde – Konstituciyanıń ornı hám áhmiyeti joqarı ekenligine ayrıqsha toqtaldı.
Onnan soń sózge shıqqanlar Konstituciya mámlekettiń tiykarǵı nızamı ekenligin, mámlekettiń keleshegi usı hújjette óz sáwleleniwin tapqanlıǵın, búgin elimizde júz berip atırǵan jańalanıwlar, demokratiyalıq huqıqıy mámleket qurıw, ádil puqaralıq jámiyetin qáliplestiriw jolında erisip atırǵan jetiskenliklerimizdiń barlıǵı Konstituciyada kórsetilgen tiykarǵı principlerdiń turmısqa tolıq engiziliwi menen baylanıslı ekenligin óz bayanatlarında keltirip ótti.
Filial Baspasóz xızmeti.