Usı jıldıń 9-aprel kúni Qaraqalpaqstan Respublikası Konstituciyası qabıl etilgenligine 32-jıl toladı.

Sáne múnásibeti aldınan Ózbekstan mámleketlik dene tárbiyası hám sport universiteti Nókis filialı studentleri arasında sporttıń jeńil atletika túrinen «Doslıq» kanalı boyında marafon ótkerildi.

Marafonǵa filialda bilim alıp atırǵan studentler qatnastı. Bir birinen kúshli sportshılardı jámlestirilgen marafon qızǵın bellesiwlerge bay tárizde bolıp ótti.

Jarıs juwmaǵında kúshlililer arasınan kúshli sportshılar jeńimpaz boldı. Sıylı orınlardı iyelegen sportshılar filial basshılıǵı tárepinen tayarlanǵan Diplom estelik sawǵaları menen sıylıqlandı.

 Filial Baspasóz xızmeti.