Joqarı oqıw orınlarında hár hápteniń piyshembi kúni profilaktika kúni dep belgilengen edi.

Búgin usı tiykarda Ózbekstan mámleketlik dene tárbiyası hám sport universiteti Nókis filialında «Jaslar arasında náshebentlik zatlardıń tarqalıwına qarsı gúresiw» atamasında studentler menen ushırasıw bolıp ótti.

Ilajda Qaraqalpaqstan Respublikası Ishki isler ministrliginiń bólim baslıqları hám filial profilaktika inspektorı tárepinen student jaslarǵa elimizde náshebentlik zatlardıń tarqalıw jolları, onıń insan salamatlıǵı ushın keri tásirleri haqqında maǵlıwmatlar berip ótti. Bunnan tısqarı náshebentlik zatladan paydalanǵan hám onıń tarqalıwı menen shuǵıllanıp atırǵan shaxslarǵa qollanılatuǵın jaza sharalar haqqında túsinikler berdi.

Studentler tiyisli taraw qánigelerinen ózlerin qızıqtırǵan sorawlarına juwaplar aldı.

Filial Baspasóz xızmeti.