Pakistan mámleketiniń Faysalabat qalasındaǵı universitettiń sport kompleksinde 22-26-aprel kúnler aralıǵında gandbol boyınsha U-17 hám U-19 qızlar komandaları arasında Xalıqaralıq gandbol federaciyasınıń kuboginiń III Oraylıq Aziya basqıshı bolıp ótpekte.

Onda Ózbekstan Respublikasınıń saylandı komandası aǵzalarıda qatnaspaqta.

Maqtanıshlı tárepi sonda komanda quramında Ózbekstan mámleketlik dene tárbiyası hám sport universiteti Nókis filialı studentlerinen Gúlzada Turǵanbaeva, Dilfuza Ibraimova hám Sarbinaz Saparbaeva qatnaspaqta.

Qızǵın bellesiwlerge bay tárizde bolıp ótip atırǵan Ózbekstan U-19 hám Pakistan U-19 saylandı komandaları ushırasıwında komanda quramında qatnasıp atırǵan filial studentleri Dilfuza Ibraimova hám Sarbinaz Saparbaevalar shólkemlestiriwshiler tárepinen «Eń jaqsı oyınshı» nominaciyası menen sıylıqlandı.

Filial studentlerin erisken nátiyjeleri menen qutlıqlaymız.

Saylandı komanda aǵzalarına tabıslar tileymiz.

Filial Baspasóz xızmeti.