May ayında Ózbekstan mámleketlik dene tárbiyası hám sport universiteti Nókis filialında bilim alıp atırǵan studentler jazǵı juwmaqlawshı bahalaw imtixanların tapsırıwları rejelestirilgen.

Jazǵı juwmaqlawshı bahalaw imtixanlarınıń ashıq hám áshkaralıq principleri tiykarında ádalatlı ótiwin támiyinlew maqsetinde búgin filialda professor-oqıtıwshılardıń qatnasında májilis bolıp ótti.

Májiliste «Sport túrleri» fakuteti dekanı D.Nurıshov hám filial profilaktika inspektorı R.Ismaylovlar tárepinen imtixanlardı ashıq aydınlıq principler tiykarında ótkeriw, dámegóylik, korrupciyalıq jaǵdaylarǵa jol qoymaw, jınayatshılıq hám huqıqbuzarlıqlardı boldırmaw, imtixandı ótkeriw tártibi hám talapları haqqında keń túrde túsinikler berip ótildi.

Bul baǵdarda professor-oqıtıwshılar ózleriniń pikir, usınısların bildirdi. Májiliske studentler arasında sociallıq-ruwxıy tatıwlıqtı támiyinlewge juwapker bolǵan direktor másláhátshisi U.Dosbergenov qatnastı.

Filial Baspasóz xızmeti.