Usı jıldıń 12 hám 14-may kúnleri aralıǵında Ferǵana wálayatında sporttıń «Belbewli kurash» túrinen erkekler hám hayal-qızlar arasında «Ózbekstan chempionatı» bolıp ótti.

Chempionatqa Ózbekstan mámleketlik dene tárbiyası hám sport universiteti Nókis filialı studentleri arasınanda sportshılar qatnastı.

Jarıs juwmaǵında filial studenti Lazzat Tulepbergenova 76 kg salmaq kategoriyasında sıylı 2-orındı iyelep, shólkemlestiriwshiler tárepinen Diplom, medal, estelik sawǵaları menen sıylıqlandı hám iyun ayında Turkiya mámleketinde bolıp ótetuǵın «Jáhán chempionatı»na jollama aldı.

Filial Baspasóz xızmeti.