Jaslardıń bos waqıtların mazmunlı hám kewilli ótkeriw maqsetinde Ózbekstan Respublikası Prezidentiniń baslaması menen “Bilimlendiriwde áhmiyetli 90 kúnlik” dep járiyalanǵan edi.

Búgin usı joybar sheńberinde Ózbekstan mámleketlik dene tárbiyası hám sport universiteti Nókis filialında Qaraqalpaqstan Respublikası Sport ministri Erkinbay Qutıbaev qatnasında studentler menen «Ministr hám jaslar» ushırasıwı ótkerildi.

Ushırasıwdı filial direktorı, professor Bayrambay Erimbetov kiris sóz benen ashıp berdi.

Onda sport ministri E.Qutıbaev filial studentlerine keyingi jıllarda elimizde sportqa qaratılıp atırǵan itibar, sportshılardıń sport penen turaqlı shuǵıllanıwları ushın jaratılǵan sharayatlar, olardıń bul baǵdarda erisip atırǵan tabıslarına toqtap ótti hám studentlerdiń pikir-usınısların, múrájatların tıńladı.

Filial Baspasóz xızmeti.