Búgin Ózbekstan mámleketlik dene tárbiyası hám sport universiteti Nókis filialında 2025-2026-oqıw jılına «Abiturientlerden hújjetlerdi qabıllawdıń barısı haqqında» ǵalaba xabar quralları wákilleri ushın baspasóz konferenciyası bolıp ótti.

Baspasóz konferenciyasında Qabıllaw komissiyasınıń juwaplı xatkeri Azamat Primbetov ǵalaba xabar quralları wákillerine 2025-2026-oqıw jılı ushın abiturientlerden hújjetlerdi qabıllawdıń barısı, filialda bar hám jańadan ashılıp atırǵan qánigelikler, sonday-aq, kásiplik (dóretiwshilik) imtixanlardıń bolıp ótetuǵın orınları, bahalaw kreteriyaları, qanday abiturientlerge kásiplik (dóretiwshilik) imtixanlarda eń joqarı ball beriletuǵınlıǵı haqqında maǵdıwmatlar berdi.

Jurnalistler bul baǵdarda ózlerin qızıqtırǵan sorawlarına juwaplar aldı.

Soń Oqıw isleri boyınsha direktor orınbasarı B.Utemuratov jurnalistlerdi «27-iyun – Baspasóz hám ǵalaba xabar quralları xızmetkerleri kúni» múnásibeti filial iskerligin keń jámiyetshilikke operativ túrde jetkeriwde jaqınnan járdem berip kiyatırǵan taraw pidayıların kásiplik bayramı menen filial direktorı atınan qızǵın qutlıqladı hám olarǵa bayram sawǵaların tapsırdı.

Filial Baspasóz xızmeti.