Ájiniyaz atındaǵı Nókis mámleketlik pedagogikalıq institutında pitkeriwshi studentlerdiń miynet bazarına nátiyjeli kirip barıwın qollap-quwatlaw, olardıń bántligin támiyinlew, sonday-aq, jaslardıń isbilermenlik potencialın rawajlandırıw maqsetinde «Pitkeriwshi bántligi – 2025» joybarı sheńberinde «Karyera kúni» miynet yarmarkası hám «Biznes marafon» seminar-treningi shólkemlestirildi.

«Pitkeriwshi bántligi – 2025» joybarı sheńberinde shólkemlestirilgen «Biznes marafon» seminar-treningi hám «Karyera kúni» miynet yarmarkasına Ózbekstan mámleketlik kórkem óner hám mádeniyat institutı Nókis filialı, Ózbekstan mámleketlik konservatoriyası Nókis filialı, Ájiniyaz atındaǵı Nókis mámleketlik pedagogikalıq institutı pitkeriwshileri qatarında Ózbekstan mámleketlik dene tárbiyası hám sport universiteti Nókis filialı studentleride qatnastı.

Joybar sheńberinde ótkerilgen bul ilajǵa juwapker ministrlik, shólkemler, jumıs beriwshi mákeme, kárxanalar hám isbilermenlik subektleriniń wákilleri qatnastı.

Onda bos jumıs orınları miynet yarmarkasında pitkeriwshiler jumıs beriwshiler menen júzbe-júz ushırasıp, óz-ara sáwbetlesiw imkaniyatına iye boldı hám pitkeriwshilerge joqarı nátiyjelerge erisip atırǵan isbilermenler startap ideyaların ámeliyatqa engiziw boyınsha master-klasslar hám treningler ótkerdi.

Filial Baspasóz xızmeti.