Ózbekstan mámleketlik dene tárbiyası hám sport universiteti Nókis filialında «áhmiyetli 90 kún» sheńberinde filialdı usı oqıw jılı pitkerip shıqqan jaslardıń turaqlı jumıs orınları menen bántligin támiyinlew maqsetinde Kambaǵallıqtı qısqartırıw hám bántlik ministrligi menen birgelikte «Pitkeriwshiler bántligi áhmiyetli 90 kún» atamasında ilaj boldı.

Ilajdı filial direktorınıń Jaslar máseleleri hám ruwxıy-aǵartıwshılıq isleri boyınsha birinshi orınbasarı G.Xojametov kiris sóz benen ashıp berip, ótkerilip atırǵan ilajdıń áhmiyetine toqtap ótti hám qatnasıwshılardı ministrlikten kelgen qánige menen tanıstırdı.

Soń ministrlik qánigesi sózge shıǵıp pitkeriwshilerge respublikamızdaǵı mákeme-kárxana hám shólkemlerdegi bar bolǵan bos jumıs orınları menen tanıstırıp ótti hám hár bir pitkeriwshige kórsetilgen bos jumıs orınlarına jumısqa jaylasıwǵa shaqırdı.

Filial Baspasóz xızmeti.