Joqarı oqıw orınları student-jaslarınıń jazǵı demalıs waqıtların mazmunlı ótkeriw, olardı sport, intellektual oyınlar hám kewilashar ilajlarǵa qamtıp alıw maqsetinde Qaraqalpaqstan Respublikası Ministrler Keńesi, Joqarı bilimlendiriw, ilim hám innovaciyalar ministrligi tárepinen Ájiniyaz atındaǵı Nókis mámleketlik pedagogikalıq institutınıń oqıw-dala ámeliyatı ornında «Studentler jazǵı lageri» shólkemlestirildi.

Bul dem alıw orayında Ózbekstan mámleketlik dene tárbiyası hám sport universiteti Nókis filialı student-jaslarıda «Áhmiyetli 90 kún» joybarı sheńberinde dem alıs kúnlerin kewilli hám mazmunlı ótkermekte.

«Jaslar dem alıw orayı»nda student-jaslardıń bos waqıtların mazmunlı ótkeriw maqsetinde hár qıylı sport jarısları, intellektual oyınlar hám mádeniy ilajlar ótkerilmekte.

Studentler bul jerde jazǵı dem alıs kúnlerinde kewilli dem almaqta.

Filial Baspasóz xızmeti.