Ózbekstan Respublikası Prezidenti basshılıǵında 2025-jıldıń 15-may kúni mektep bilimlendiriwi sistemasındaǵı reformalardıń nátiyjeliligin asırıw boyınsha videoselektor májilisi ótkerilgen edi.

Usı májiliste belgilengen wazıypalardı orınlaw, jaslardıń bos waqıtların mazmunlı ótkeriwge qaratılǵan «Áhmiyetli 90 kún» baǵdarlaması sheńberinde máhálle jaslarınıń jazǵı dem alıs kúnlerin mazmunlı ótkeriwge járdemlesiw maqsetinde Qaraqalpaqstan Respublikası Sport ministrligi menen birgelikte «Turan» MPJ aymaǵındaǵı 13 hám 15 jas aralıǵında jaslar arasında Ózbekstan mámleketlik dene tárbiyası hám sport universiteti Nókis filialı direktorı kubogı ushın jarıs shólkemlestirildi.

Jarıstı Sport ministrligi bólim baslıǵı I.Qudyarov ashıp berdi hám filial direktorınıń Jaslar máseleleri hám ruwxıy-aǵartıwshılıq isleri boyınsha birinshi orınbasarı G.Xojametov hám basqalar sózge shıǵıp, olar qatnasıwshılarǵa tabıslar tiledi.

Bir birinen qızıqlı hám mazmunlı bolıp ótken jarıs sońında jeńimpazlar anıqlandı. Olar shólkemlestiriwshiler tárepinen Ózbekstan mámleketlik dene tárbiyası hám sport universiteti Nókis filialı direktorı kubogı, Diplom hám estelik sawǵaları menen sıylıklandı.

Filial Baspasóz xızmeti.