Búgin Qaraqalpaqstan Respublikası Joqarı bilimlendiriw, ilim hám innovaciyalar ministrligi tárepinen «Jańa 2025-2026-oqıw jılına tayarlıq máseleleri: aldaǵı turǵan rejeler hám wazıypalar» atamasındaǵı keńeytilgen Kollegiya májilisi ótkerildi.

Kollegiya májilisine Ózbekstan Respublikası Joqarı bilimlendiriw, ilim hám innovaciyalar ministrliginen E.Muminov, Qaraqalpaqstan Respublikası Joqarǵı Keńes Komitet baslıǵı M.Atamuratov, Qaraqalpaqstan Respublikası Joqarı bilimlendiriw, ilim hám innovaciyalar ministri A.Ayapov, Ministrliktiń sektor baslıqları, Joqarı bilimlendiriw oqıw orınları rektorları hám direktorları hámde Kásiplik bilimlendiriw shólkemleri (texnikumlar) direktorları qatnastı.

Kollegiya májilisin Ministr A.Ayapov basqarıp bardı.

Shıǵıp sóylewshiler dáslep Ǵárezsizligimizdiń 34 jıllıq bayramı menen hám jańa 2025-2026-oqıw jılı menen qızǵın qutlıqlap, zamanagóy pedagogikalıq kásiplik bilimlendiriwdi rawajlandırıw, oqıw processinde innovaciyalıq texnologiyalardı keń qollanıw hámde bilimlendiriw sapasın arttırıwǵa qaratılǵan áhmiyetli máselelerge toqtap ótti.

Sonday-aq, májilis dawamında Respublikamızdaǵı Joqarı bilimlendiriw oqıw orınlarında hám Kásiplik bilimlendiriw shólkemlerinde ótken oqıw jılında jol qoyılǵan kemshilikler menen birge jańa 2025-2026-oqıw jılına tayarlıq jumısları, basshı hám pedagog kadrlardıń kásiplik kompetentligin rawajlandırıw, oqıw-metodikalıq támiynatın kúsheytiw, tálim processin nátiyjeli shólkemlestiriw, xalıqaralıq bilimlendiriw dástúrlerin engiziw boyınsha máseleler de atap ótildi.

Sonıń menen birge, Kollegiya májilisinde qatnasıwshılardıń pikir-usınısları da tıńlandı.

Májiliste ámelge asırılıp atırǵan jumıslar hám aldaǵı wazıypalardıń orınlanıwına qaratılǵan tiyisli kórsetpeler hám tapsırmalar berildi.

Filial Baspasóz xızmeti.