Ózbekstan mámleketlik dene tárbiyası hám sport universitetı Nókis filialında “Studentlikke baǵıshlaw” saltanatlı keshesi bolıp ótti. Ilaj Ózbekstan hám Qaraqalpaqstan Respublikalarınıń mámleketlik gimnleri menen baslandı.

Soń Qaraqalpaqstan Respublikası Sport ministri E.Qutıbaev sózge shıǵıp qatnasıwshılardı Ózbekstan Respublikası Ǵárezsizliginiń 34 jıllıq bayramı hám jańa oqıw jılınıń baslanıwı menen qutlıqladı. Ózbekstan mámleketlik dene tárbiyası hám sport universiteti Nókis filialı direktorı, professor B.Erimbetov filial professor-oqıtıwshıların hám student-jaslardı Ózbekstan Respublikası Ǵárezsizliginiń 34 jıllıq bayramı, jańa oqıw jılı baslanıwı hám studentlikke qabıl etilgen 1-kurs studentlerin studentler qatarına qosılǵanı menen qutlıqladı. Ol óz sózinde elimizde joqarı bilimlendiriwge qaratılıp atırǵan itibar, filialdıń professor-oqıtıwshıları hám studentlerdiń qısqa waqıt ishinde erisken jetiskenlikleri haqqında maǵlıwmat berip ótti. Sonday-aq, bunnan keyin professor-oqıtıwshılar hám belsendi studentler sózge shıqtı hám olar bársheni taza oqıw jılı menen qutlıqladı.

Ilaj sońında eń joqarı ball menen oqıwǵa qabıl etilgen studentke rámziy gilt hám studentler gúwalıǵı tapsırıldı.

Filial Baspasóz xızmeti.