Jas áwladtı milliy ádebiyatqa, ana Watanǵa bolǵan muxabbat hám sadıqlıq ruwxında tárbiyalaw, olar arasında kitapqumarlıq mádeniyatın arttırıw, dúnyaqarasın keńeytiw, kitapqumarlıqtı keńnen úgit-násiyatlaw maqsetinde Ózbekstan mámleketlik dene tárbiyası hám sport universiteti Nókis filialında «Kitapqumarlıq-ullı keleshek kepili” atamasında ushırasıw keshesi bolıp ótti.

Ilajda Qaraqalpaqstan Respublikası Málimleme-kitapxana orayı qánigesi A.Arzimbetova filial studentlerine kitap insan ushın biybaha dos, kitap penen dos bolǵan insannan hesh qashan jamanlıq shıqpaslıǵın, kitap oqıǵan insannıń ruwxıy dúnyası bay, dúnya qarası keń shaxs bolıp qáliplesetuǵınlıǵı haqqında aytıp berdi.

Soń filial Málimleme resurs orayı baslıǵı K.Tóreshova menen birgelikte hár bir qatnasıwshını kitap oqıwǵa hám kitap penen dos bolıwǵa shaqırdı.

Filial Baspasóz xızmeti.