Ózbekstan mámleketlik dene tárbiyası hám sport universiteti Nókis filialı direktorı, professor B.Erimbetov penen filial studentleri arasında «Direktor hám jaslar» ushırasıwı bolıp ótti.

 Ushırasıwda filial direktorı, professor B.Erimbetov jaslarǵa baylanıslı mámleketlik siyasattıń mazmun-mánisin hám onıń áhmiyeti haqqında toqtalıp ótti. Sonday-aq, filialda studentler bilim alıwları ushın jaratılǵan sharayatlar, házirgi waqıtta islenip atırǵan jumıslar hám keleshekte islenwi rejelestirilip atırǵan rejeler haqqında maǵlıwmatlar berdi. Ushırasıw dawamında filialı direktorı B.Erimbetov hámiyshe studentlerdiń jaqsı baslamaların qollap-quwatlawın, bilimlendiriwdi sıpatlı dawam etiriwin hám sociallıq járdemge mútáj studentlerge járdem berip baratuǵınlıǵın atap ótti.

Filial studentleri menen elede jaqın bolıw, olardıń mashqalaların úyreniw maqsetinde ótkerilgen ashıq sáwbetlesiw dawamında student-jaslar ózlerin qızıqtırǵan sorawların berip, ushırasıp atırǵan kemshlikler menen usınısların aytıp direktorǵa múrájáát etti.

Filial Baspasóz xizmeti.