Usı jıldıń 29-30-oktyabr kúnleri 2005-2006-jılı tuwılǵan qızlar, er balalar hám 45, 55 jastaǵı nuranıy sportshılar arasında sporttıń kurash túrinen Qaraqalpaqstan Respublikası chempionatı bolıp ótti.

Chempionatqa respublikamızdıń barlıq qala hám rayonlarınan sportshılar qatnastı. Olar arasında Ózbekstan mámleketlik dene tárbiyası hám sport universiteti Nókis filialı studentleride bar.

Qızǵın bellesiwlerge bay tárizde bolıp ótken jarıs juwmaǵında filial studentlerinen er balalar arasında T.Keńesbaev 1-orın, B.Orınbaev, M.Turǵanbaevlar 2-orın, al, qızlar arasında U.Eshniyazova, Z.Suvanova, A.Kamalova, A.Abilqasimova, B.Jannazarovalar 2-orındı, Z.Tolqınbaeva 2-orındı iyeledi hám shólkemlestiriwshiler tárepinen Diplom hám estelik sawǵaları menen sıylıqlandı.

Filial Baspasóz xızmeti.