1-oktyabr – «Muǵallimler hám ustazlar kúni» múnásibeti menen Ózbekstan mámleketlik dene tárbiyası ham sport universiteti Nókis filialında bayram ilajı bolıp ótti.

Ilajda filial direktorı, professor B.Erimbetov sózge shıǵıp jas áwladtıń ruwxıy dúnyası bay, joqarı intellektuallıq potencialǵa iye, kámil insanlar bolıp kamalǵa keliwinde ayanbay miynet etip atırǵan pidayı kásip iyeleri bolǵan muǵallim hám ustazlardıń pidayı miynetlerin joqarı bahalap olardı bayram menen qızǵın qutlıqladı.

1-oktyabr – «Muǵallimler hám ustazlar kúni» múnásibeti menen filial iskerliginde hám jámiyetlik jumıslarında belsendilik kórsetken bir qatar professor-oqıtıwshılarǵa Minnetdarshılıq xatı tapsırıldı.

Bayram ilajı filial studentleri tárepinen tayarlanǵan koncert baǵdarlaması menen dawam etti.

Filial Baspasóz xızmeti.