Búgin Ózbekstan mámleketlik dene tárbiyası hám sport universiteti Nókis filialına «Getwork» jeke menshik bántlik agentligi direktorı Dovron Abduqodirov xızmet saparı menen keldi.

Dáslep «Getwork» jeke menshik bántlik agentligi direktorı Dovron Abduqodirovtı filial direktorı, professor Bayrambay Erimbetov qabılladı.

Qabıllaw barısında eki tárep Work and Travel baǵdarlaması arqalı filial studentleriniń jazǵı dem alıs kúnlerinde Germaniya, Latviya, Litva, Polsha, Bolgariya, Xarbatiya hám Qubla Koreya mámleketleriniń kárxanalarına máwsimlik jumıs penen támiyinlew, olardıń qáwipsizligi máseleleri boyınsha sáwbetlesiwler alıp bardı hám óz-ara kelisimge kelip shártnama dúzdi.

Onnan soń «Getwork» jeke menshik bántlik agentligi direktorı filial studentleri menen ushırastı hám Work and Travel baǵdarlaması haqqında túsinikler berip ótti. Usı kúnge shekem agentlik tárepinen Berdaq atındaǵı qaraqalpaq mámleketlik universitetinen 400 ge jaqın studentler Work and Travel baǵdarlaması arqalı máwsimlik jumıslarǵa jiberilgen. Ushırasıw barısında filial studentleri bul agentliktiń usınıs etken mámleketlerindegi jumıs orınlarına qızıǵıwshılıq bildirdi hám ózlerin qızıqtırǵan sorawlarına juwaplar aldı.

Filial Baspasóz xızmeti.