«Salamatlıq marafonı – baxıtlı ómirge qádem» atamasında ótkerilip atırǵan sport ilajı sheńberinde Nókis qalasında saylandı qızlar komandaları arasında Qaraqalpaqstan Respublikası Ishki isler ministri kubogi jarısı ótkerildi.

Eki kún dawam etken jarısta qalamızdaǵı joqarı oqıw orınları hám sport mektepleriniń saylandı komandaları óz-ara bellesti.

Qızǵın bellesiwlerge bay tárizde bolıp ótken jarıs juwmaǵında Ózbekstan mámleketlik dene tárbiyası hám sport universiteti Nókis filialı qızlar komandası barlıq qarsılaslarınan ústin kelip 1-orındı iyeledi hám jarıs shólkemlestiriwshileri tárepinen Diplom, medal, estelik sawǵaları menen sıylıqlandı.

Komanda aǵzaların jarısqa Maxsuda Yuldasheva hám Tilewbay Náwbetullaevlar tayarladı.

Filial Baspasóz xızmeti.