Ózbekstan mámleketlik dene tárbiyası hám sport universiteti Nókis filialında «Bes baslama olimpiadası» sheńberinde sporttıń stritbol túrinen filial basqıshı bolıp ótti.

Oǵan filialda bilim alıp atırǵan studentlerden er balalar arasınan altı komanda, al, qız balalar arasınan tórt komanda dúzildi hám olar óz-ara jeńimpazlıq hám jarıstıń keyingi basqıshına jollama alıw ushın bellesti.

Qızǵın bellesiwlerge bay tárizde bolıp ótken jarıs juwmaǵında er balalar arasında 04-25 komandası 1-orın, 07-24 komandası 2-orın, 02-24 komandası 3-orın, al, qız balalar arasında 04-23 komandası 1-orın, 11-24 komandası 2-orın hám 08-24 komandası 3-orındı iyelewge miyasar boldı.

Jeńimpaz komanda aǵzaları shólkemlestiriwshiler tárepinen kubog, Diplom, medal, estelik sawǵaları menen sıylıqlandı hám jarıstıń keyingi basqıshına jollama aldı.

Maǵlıwmat ornında: jarısqa Nawbahar Palwaniyazova sudiyalıq etti.

Filial Baspasóz xızmeti.