Ózbekstan mámleketlik dene tárbiyası hám sport universiteti Nókis filialı tárepinen Nókis rayonı 19-sanlı ulıwma bilim beriw mektebinde filial pitkeriwshisi “Parij-2024” jazǵı Olimpiada oyınları qatnasıwshısı Sh.Ibragimova atındaǵı kórkem gimnastika dógeregi shólkemlestirilgen edi.

Búgin dógerek aǵzaları ushın umıtılmas kún boldı. Sebebi, Sh.Ibragimovanıń ózi dógerekke qatnasıp atırǵan jas kórkem gimnastikashılar menen ushırastı hám olar ushın master-klass ótkerdi.

Ustaz sportshı dógerek aǵzalarına gimnastika shınıǵıwların durıs orınlaw texnikası, sportta tártip-intizam hám shınıǵıwların isletip kórsetti. Ámeliy shınıǵıwlar dawamında jaslar ustaz sporshınıń hár bir kórsetpesin qızıǵıwshılıq penen baqladı hám belsene qatnastı.

Filial Baspasóz xızmeti.