Jaslardı ana  Watanǵa súyispenshilik ruwxında tárbiyalaw hám olardı áskerlerdiń turmısı menen jaqınnan tanıstırıw maqsetinde Ózbekstan mámleketlik dene tárbiyası hám sport universiteti Nókis filialı studentleri Arqa-Batıs áskeriy okrugine bardı.

Okrugte studentlerge áskeriy xızmet procesleri, zamanagóy texnikalar, áskeriy xızmetkerlerdiń jumısı hám qorǵanıw sistemasındaǵı jańalıqlar haqqında maǵlıwmatlar berildi.

Studentler áskerlerdiń turmısı, jumıs barısı menen tanısıw barısında áskeriy texnika hám arnawlı úskenelerdiń qollanılıwı boyınshada ámeliy maǵlıwmatlarǵa iye boldı.

Bunnan tısqarı áskeriy xızmettiń mazmun-mánisi boyınshada ashıq pikirlesiwler shólkemlestirildi.

Filial Baspasóz xızmeti.