Usı jıldıń 17-28-noyabr kúnleri Tailandta gandbol boyınsha U-19 qızlar arasında xalıqaralıq gandbol federaciyası kuboginiń Aziya basqıshı bolıp ótken edi.

Ótkerilgen jarısta Ózbekstan saylandı komandası sıylı I-orındı iyelep, 2026-jılı ótkeriletuǵın jáhán chempionatına jollamanı qolǵa kirgizdi.

Ózbekstan saylandı komandası quramında qatnasqan Ózbekstan mámleketlik dene tárbiyası hám sport universiteti Nókis filialı «gandbol» qánigeligi 2-kurs studentleri Sarbinaz Saparbaeva hám Dilfuza Ibragimovalarda komandanıń jeńiske erisiwde ózleriniń salmaqlı úleslerin qostı.

Sportshılarımızdı qolǵa kirgizgen jeńisi menen filial miynet jámááti atınan qutlıqlaymız hám aldaǵı ótkeriletuǵın jarıslarda tabıslar tileymiz.

Filial Baspasóz xızmeti.