Joqarı bilimlendiriw shólkemlerinde bilim alıp atırǵan student-jaslardı Watan súyiwshilik ruwxında tárbiyalaw, mámleketimizde ámelge asırılıp atırǵan reformalardı seziniw, kúndelikli informaciya menen tez hám turaqlı ráwishte xabardar etip barıw maqsetinde hár háptede bir márte «Ruwxıylıq saatları» ótkerilip kelinbekte.

Ózbekstan mámleketlik dene tárbiyası hám sport universiteti Nókis filialı Jaslar máseleleri hám ruwxıy-aǵartıwshılıq isleri boyınsha birinshi orınbasarı G.Xojametov studentlerge «Keleshek saatı» sabaǵın ótti.

Onda ol «Keleshek saatı» sabaǵında «Meniń huqıqlarım» temasında studentlerge insan huqıqları hám erkinlikleri, olardıń jeke ómirdegi ornı jáne jámiyet rawajlanıwındaǵı áhmiyetin ańlaw kónlikpelerin qáliplestiriw. Olarǵa shańaraqta, mektepte hám jámiyetlik turmısta huqıq hám minnetlemelerdiń sáykesligin túsindirdi.

Sabaq dawamında studentler Ózbekstan Respublikası Konstituciyası hám nızamlarında belgilengen huqıqıy normalar menen tanıstırıldı. Olardı turmıslıq mısallar arqalı óz tájiriybelerine baylanıstırıp kóredi. Bul arqalı olarda óz huqıqların qorǵaw, nızamlarǵa húrmet ruwxında qaraw, juwapkershilikli puqara bolıw kónlikpeleri bekkemlenedi.

Filial Baspasóz xızmeti.