Ózbekstan mámleketlik dene tárbiyası hám sport universiteti Nókis filialında Ózbekstan Respublikası Konstituciyası  qabıl etilgenliginiń otız úsh jıllıǵı múnásibeti menen bayram ilaj bolıp ótti.

Onda Qaraqalpaqstan Respublikası Konstituciyalıq baqlaw komiteti baslıǵınıń orınbasarı Sherzod Ibragimov, Qaraqalpaqstan Respublikası Joqarǵı Keńesiniń deputatı Qoshqarbay Sadıkov hám Qaraqalpaqstan Respublikası prokurarturasınıń bólim aǵa prokurorı Nizombek Yuldashev, professor-oqıtıwshılar hám student-jaslar qatnastı.

Ilajdı filial direktorınıń jaslar máseleleri hám ruwxıy-aǵartıwshılıq isleri boyınsha birinshi orınbasarı Gúlmurat Xojametov kiris sóz benen ashıp berdi.

Ilaj Ózbekstan hám Qaraqalpaqstan Respublikalarınıń mámleketlik gimnleri menen baslandı.

Soń ilajda sózge shıqqan taraw wákilleri filial jámáátin Ózbekstan Respublikası Konstituciyasınıń  qabıl etilgenliginiń 33 jıllıǵı menen qızǵın qutlıqlap, elimizdiń dúnya siyasiy maydanında ǵárezsiz mámleket sıpatında óz ornına iye bolıwı, rawajlanıw jolın belgilep, jıldan-jılǵa abırayınıń artıp barıwı, sonday-aq, xalıqtıń abadanlıǵın támiyinlewde – Konstituciyanıń ornı hám áhmiyeti joqarı ekenligin, mámlekettiń keleshegi usı hújjette óz sáwleleniwin tapqanlıǵın atap ótti.

Sonday-aq, búgin elimizde júz berip atırǵan jańalanıwlar, demokratiyalıq huqıqıy mámleket qurıw, puqaralıq jámiyetin qáliplestiriw jolında erisip atırǵan jetiskenliklerimizdiń barlıǵı Konstituciyada kórsetilgen tiykarǵı principlerdiń turmısqa tolıq engiziliwi menen baylanıslı ekenligin maqtanısh penen tilge aldı.

Ilajda atap ótilgenindey, tiykarǵı nızamımız óziniń tereń oylanǵan principleri hám qaǵıydaları menen ajıralıp, elimizdiń táǵdirin, hár bir insannıń huqıqları menen erkinliklerin belgilewde áhmiyetli hújjet bolıp esaplanadı.

Saltanatlı bayram ilajı filial studentleri tárepinen tayarlanǵan koncert baǵdarlaması menen dawam etti.

Filial Baspasóz xızmeti.