Student-jaslar arasında kórkem ádebiyatlardıń turmısımızdaǵı ornı hám áhmiyetin úgit-násiyatlaw arqalı jaslardı hár tárepleme salamat hám bárkamal insanlar etip tárbiyalaw, olarǵa kitap oqıw ushın shárayatlar jaratıw, erkin pikirge iye qábiletli jaslardı hár tárepleme qollap-quwatlaw maqsetinde filial studentleri arasında «Jıldıń eń kitap qumar studenti» tańlawı ótkerildi.

Onda qatnasıwshılar «Men súyip oqıǵan kitap» hám «Esse jazıw» shártleri boyınsha óz-ara bilimlerin sınaqtan ótkerdi. Ádebiyat maydanında bolǵan tańlaw sońında tóreshiler quramı tárepinen jeńimpaz qatnasıwshılar anıqlandı. Yaǵnıy 1-orın Niyetbay Seyilxanov, 2-orın Luiza Alieva hám 3-orın Berikbay Zaripovlar iyeledi.

Tańlawda 1-orın iyesi  bazalıq esaplaw muǵdarınıń 3 esesi muǵdarında, 2-orın iyesi bazalıq esaplaw muǵdarınıń 2 esesi muǵdarında hám 3-orın iyesi bazalıq esaplaw muǵdarınıń 1 esesi muǵdarında materiallıq xoshametlenedi hám Diplom menen sıylıqlandı.

Filial Baspasóz xızmeti.