Búgin Ózbekstan mámleketlik dene tárbiyası hám sport universiteti Nókis filialında Prezidentimizdiń «Oraylıq Aziya jańa dáwir bosaǵasında» atlı maqalasınıń mazmun-mánisin filial professor-oqıtıwshıları hám student-jaslarına keńnen jetkeriw maqsetinde ushırasıw bolıp ótti.

Ilajdı filial direktorınıń Jaslar máseleleri hám ruwxıy-aǵartıwshılıq isleri boyınsha birinshi orınbasarı G.Xojametov kiris sóz benen ashtı.

Soń sóz alǵan Ózbekstan mádeniyat, sport hám turizm xızmetkerleri kásiplik awqamı Qaraqalpaqstan Respublikası birlesken komiteti baslıǵı J.Ayapov, filialdıń kásiplik awqamı baslıǵı S.Saparniyazov hám profesor-oqıtıwshılar Prezidentimizdiń maqalasınıń mazmun-mánisiniń qanshelli áhmiyetli ekenligine toqtap ótti.

 Ushırasıw sońında qatnasıwshılar bul baǵdarda ózlerin qızıqtırǵan sorawlarına túsinikler aldı.

Filial Baspasóz xızmeti.